Tурските безбедносни сили досега уапсиле најмалку 98 лица за ограбување оштетени згради, кражба и измама на луѓето погодени од земјотресот.
Повикувајќи се на извори од безбедносните сили, турските медиуми соопштуваат дека во провинцијата Хатај има најмалку 42 осомничени за ограбување оштетени згради.
Властите заплениле оружје, пушки, накит, банкарски картички, 11 000 долари, 70 000 турски лири итн.
Уапсените беа фатени во најпогодените провинции од земјотресот како Кахраманмараш, Хатај, Адијаман, Малатија, Османије, Адана, Газиантеп и Шанлурфа.
На социјалните мрежи почнаа да се објавуваат и видеа и од крадците откако беа фатени од страна на турската полиција, со тоа и спасени од линч на разгневениот народ.
Извор: 360stepeni.mk
