Пожарот во двата магацини за камиони избувна утринава околу 4:30, а полицијата ги предупреди жителите на Хамбург дека кон централното градско подрачје се движи силен чад. Жителите на населбата Ротенбургсорт која се наоѓа во североисточниот дел на градот, добиле препорака да не ги отвораат прозорците и вратите бидејќи постои опасност од контакт со гасови и хемиски соединенија кои биле испуштени во воздухот.
Според информациите на германските медиуми, на местото на пожарот истекува опасна материја – бодород сулфид. Пожарникарите кои учествуваат во гаснење на пожарот тешко се справуваат со оганот, бидејќи во околината повремено одекнуваат детонации. Претставници на противпожарната бригада првично не можеа да дадат никакви информации што го предизвикало големиот пожар во текот на ноќта или што точно имало во запалените магацини.
Германскиот железнички оператор Дојче Бан најави дека поради пожарот мора да бидат затворени шините меѓу Хамбург и Бухен.
Извор: 360stepeni.mk
