(ВИДЕО) Најмалку шест лица загинаа, а 37 се повредени во голем верижен судир во САД

May 2, 2023
1 min read

Судирот се случил јужно од главниот град на сојузната држава Илиноис, откако песочна бура го зафатила автопатот, речиси целосно попречувајќи ја видливоста. Во несреќата учествувале најмалку 72 возила

Најмалку шест лица загинаа, а 37 се повредени во голем верижен судир предизвикан од песочна бура во американската сојузна држава Илиноис. Несреќата, како што јави Си-ен-ен, се случила во понеделникот нешто пред 11 часот по средноевропско време, а во неа учествувале најмалку 72 возила.

Судирот се случил јужно од главниот град на Илиноис, Спрингфилд, откако песочна бура го зафатила автопатот.

Најмалку 37-мината повредени, со повреди кои се движат од полесни до опасни по живот, се пренесени в болница. Нивната возраст се движи од 2 до 80 години.

Еден од шестмината загинати е 88-годишен маж, а официјални лица и натаму работат на идентификување на останатите пет лица кои загинаа во големиот судир.

По несреќата, автопатот бил затворен доцна во понеделникот.

Полицијата во Илиноис соопшти дека причината за несреќата се силните ветрови што со себе носат прашина од полињата на фармите од другата страна на автопатот, што целосно ја попречува видливоста.

Метеорологот на Си-ен-ен, Чад Мајерс, рече дека ветровите со брзина од 45 милји на час со себе ја собрале прашината и одеднаш автопатот го направиле речиси невидлив.

Големи верижни судири предизвикани од песочни бури неодамна се случија и во Унгарија и во Србија.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Вучиќ и Курти на средба во Брисел

Следно

Арсовска во посета на спортските терени во паркот Сарај

Latest from Blog

Тоневски најавува развој на Лесново како туристички бисер на Македонија

Кандидатот за градоначалник на Општина Пробиштип, Тони Тоневски, најави амбициозна програма за развој на Лесново како туристички локалитет кој ќе ги спои историјата, духовноста и природата. Тоневски истакна дека Лесново, со својот

Грчкиот Парламент електронски ќе го контролира времетраењето на говорите – автоматски ќе се исклучува микрофонот

Воведување електронски механизам за контрола на времетраењето на говорите и нова апликација со која автоматски ќе се исклучува микрофонот на говорникот по истекот на дозволеното време, предвидуваат, меѓу другото, измените во Деловникот

Реал (М) веќе знае кој ќе биде замената за Винисиус ако Бразилецот замине

Реал Мадрид го идентификуваше Ерлинг Халанд како своја главна трансфер цел во случај да се разделат со Винисиус, чија иднина на „Сантијаго Бернабеу“ останува неизвесна. Иако Халанд неодамна потпиша нов деветгодишен договор

Зеленски: Две лица загинаа во синоќешниот напад, беа употребени повеќе од 650 дронови

Украинскиот претседател Володимир Зеленски денес изјави дека две лица се убиени во синоќешниот руски напад и дека Русија лансирала повеќе од 650 беспилотни летала и 50 ракети. „Десетици лица се повредени во
Go toTop