Од тринаесет мртви, бројот на жртвите се искачи на 14 во петокот, изјави за АФП портпаролот на провинциските власти додавајќи дека е пронајдено телото на маж кој се удавил во својот дом во Фаенца
Бројот на жртвите од поплавите што ја зафатија провинцијата Емилија-Ромања, богата земјоделска и туристичка област на северот на Италија, во петокот се искачи на 14, соопштија локалните власти.
Спасувачите продолжуваат да ги евакуираат луѓето кои поради водата не можат да ги напуштат своите домови, а дождот повторно врне по повеќе од 24 часа прекин.
Manovra di soccorso delicata per l’equipaggio di #Drago VF150: recuperata con l’elicottero un’anziana bloccata nella propria abitazione a #Forlì, in via Bologna #18maggio #EmiliaRomagna pic.twitter.com/atwp1NmZer
— Vigili del Fuoco (@vigilidelfuoco) May 18, 2023
Во Равена властите утринава прогласија „итна евакуација“ на неколку населби и ги повикаа жителите „да не излегуваат надвор освен ако е апсолутно неопходно“.
Од тринаесет мртви, бројот на жртвите се искачи на 14 во петокот“,
изјави за АФП портпаролот на провинциските власти додавајќи дека е пронајдено телото на маж кој се удавил во својот дом во Фаенца.
Италијанската национална телевизија објави видео од спасувањето на мајка и девојче од поплавата.
Како што објави АФП, преплашени жители чистеле кал од своите куќи и ваделе нечист мебел и апарати за домаќинство.
#Maltempo #EmiliaRomagna, squadre fluviali dei #vigilidelfuoco impegnate a #Ravenna, in zona Fornace Zarattini, per l’evacuazione di 30 persone bloccate in un albergo per l’innalzamento dell’acqua [#19maggio 12:15] pic.twitter.com/07l6QpaLUj
— Vigili del Fuoco (@vigilidelfuoco) May 19, 2023
По бавното повлекување на водата, се чини дека состојбата на други места се стабилизира. Жителите и патната служба чистат куќи, продавници и улици од кал и шут, а патиштата кои беа под вода и делумно оштетени се повторно отворени.
#Maltempo #EmiliaRomagna, ricognizione aerea dell’elicottero dei #vigilidelfuoco sulle zone alluvionate di Sant’Agata sul Santerno, nel ravennate [#18maggio 12:00] pic.twitter.com/Sm7Dcewcld
— Vigili del Fuoco (@vigilidelfuoco) May 18, 2023
„Ова е уште еден земјотрес. Ќе обновиме сè. Но, штетите на нивите и зеленчуковите градини се 100%. Имавме суша, мраз, а сега катастрофална поплава. Што се однесува до туризмот, (јадранскиот) брег за среќа не претрпе толку многу“,
изјави претседателот на провинцијата Стефано Боначини за телевизијата во петокот.
На дневен ред на седницата во вторник Владата ќе стави „мораториум за плаќање даноци и давачки“ за компаниите погодени од невремето во Емилија-Ромања.
Извор: 360stepeni.mk
