Ветерните турбини произведени во Туркије ќе бидат достапни на пазарот за две години

АНКАРА (АА) – Турскиот „Калјон холдинг“ и турската компанија „Аселсан“ начелно се договорија локално да произведуваат турбини за ветерна енергија, објави денес челникот на „Калјон холдинг“, јавува Анадолу.

Во разговор за Анадолу, Џемал Калјонџу потврди дека турбините од турско производство ќе бидат готови за две години за проектите за ветерна енергија на „Калјон“ во рамките на проектите на Зоната на обновливи извори на енергија (YEKA) низ целата земја.

Проектите на Зоната на обновливи извори на енергија (YEKA) им овозможуваат на турските инвеститори и конзорциуми да инвестираат во домашното производство на опрема и големи капацитети за производство на електрична енергија.

Во последниве години, овие проекти беа главните двигатели на растот на обновливите извори на енергија, и во однос на развојот на технологијата, производството на опрема и производството на електрична енергија.

Првата интегрирана фабрика за производство на соларни прачки, вафери, модули, ќелии во Туркије, основана од компанијата „Кајлон“ за технологии за соларна енергија, започна со производство на 19 август 2020 година.

По успешното производство на висококвалитетни соларни панели, Калјонџу рече дека имаат намера да следат сличен пат за да успеат во производството на турски, висококвалитетни ветерни турбини.

Вкупно три одделни фабрики ќе бидат изградени во текот на наредните две години наменети исклучиво само за производство на опрема за добивање ветерна енергија.

„Наша цел е да произведуваме ветерни турбини со 70 отсто локални компоненти“, рече тој.

Во главниот град Анкара во соработка со Аселсан ќе се произведуваат менувачи за ветерни турбини, а другите делови од опремата ќе се произведуваат во фабриките во Измир и Истанбул.

Како дел од националниот план за енергија на Владата за исполнување на целите на земјата за нето-нулта емисија за 2053 година, обновливата енергија во Туркије, која имаше 16,7 отсто удел во потрошувачката на примарна енергија во 2020 година, цели на зголемување на 23,7 отсто до 2035 година.

Планот е и зголемување на инсталираниот капацитет на електрична енергија од 95.900 MW во 2020 година на 189.700 MW до 2035 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).