Вархеји на средба со Лајчак: Напредокот во дијалогот меѓу Белград и Приштина е клучен за нивниот европски пат

Специјалниот пратеник на ЕУ за дијалог меѓу Белград и Приштина, Мирослав Лајчак, пак, порача дека имал корисен разговор со Вархеји за поширокиот регионален контекст, како и за напорите на ЕУ за 2023 година

Напредокот во дијалогот меѓу Србија и Косово е клучен за нивниот европски пат, напиша на Твитер еврокомесарот за проширување Оливер Врхеји по средбата со специјалниот пратеник на Европската Унија за дијалог меѓу Белград и Приштина, Мирослав Лајчак.

„Придвижувањето напред во дијалогот меѓу Белград и Приштина е клучно за напредокот на нивниот европски пат. Годината започна со средба со специјалниот претставник на ЕУ, Мирослав Лајчак, со кого разговаравме за патот напред“,

напиша Вархеји на Твитер.

Moving forward in the #Belgrade – #Pristina Dialogue is key to progress on their respective European path.
Starting the year w/ EU Special Representative @MiroslavLajcak to discuss the way forward. https://t.co/8sY4quDPU8

— Oliver Varhelyi (@OliverVarhelyi) January 10, 2023

На Твитер се огласи и специјалниот пратеник на ЕУ за дијалог меѓу Белград и Приштина, Мирослав Лајчак, кој порача дека имал корисен разговор со Вархеји за поширокиот регионален контекст, како и за напорите на ЕУ за 2023 година.

„Мило ми е што денеска се сретнав со комесарот Оливер Вархеји. Беше корисно да се разговара за дијалогот во поширок регионален контекст и европските напори за 2023 година“,

напиша Лајчак.

Good to meet with Commissioner @OliverVarhelyi today. It was useful to discuss the Dialogue in the wider regional context and 🇪🇺 efforts for 2023. pic.twitter.com/iUYYMXuwA9

— Miroslav Lajčák (@MiroslavLajcak) January 10, 2023