Украина: Жителите на Орихив секојдневна цел на руските напади, преживуваат од хуманитарна помош

March 4, 2023
1 min read

ЗАПОРОЖЈЕ (АА) – ДАВИТ КАЧКАЧИШВИЛИ –

Орихив, во украинската област Запорожје, веќе една година е под интензивни напади на руските сили, а мештаните кое се осмелија да останат во градот преживуваат од хуманитарната помош, пишува Анадолу.

Војната во Украина започна со рускиот напад на 24 февруари минатата година. Руските сили спроведуваат интензивни артилериски напади врз населените места на линијата фронтот, меѓу кои и Орихив, кој се наоѓа во регионот Запорожје.

Со дозвола на Украинската војска, репортерскиот тим на Анадолу го посети Орихив, кој од фронтот е оддалечен само осум километри, каде што се видливи трагите од голготата на војната што ја преживува тој дел на Украина.

Инфраструктурата во Орихив е уништена, а во градот нема струја, гас и вода, а преживувањето на мештаните додатно го отежнува суровата зима.

Градот е постојана цел на руските артилериски системи и животите на жителите на Орихив се под постојана закана. Затоа и улиците се главно празни. Луѓе можно е да се сретнат главно при делење на хуманитарната помош, а маркетите и сите продавници во градот се затворени веќе со месеци.

Луѓето претежно живеат во засолништа или во подрумите на куќите, а питка вода се доставува со противпожарни цистерни.

Орихив пред војната имал околу 15.000 жители, а денес таму живеат помалку од 2.000.

Локалниот жител Сергеј (50) за новинарот на Анадолу изјави дека руските сили секојдневно вршат напади врз Орихив и дека не ги избираат своите цели.

„Живееме во исклучително тешки услови. Така е веќе година дена, но не размислувам за заминување“, рече Сергеј, кој од безбедносни причини не сакаше да го открие презимето.

За тешкиот живот и борбата за преживување во Орихив сведочи и 73-годишната Валодија Чубенко.

„Секој ден сме цел на напади. Ситуацијата е многу тешка, иако во последните два, три дена интензитетот на нападите малку се смирува“, рече Чубенко.

Нагласувајќи дека хуманитарната помош е од витално значење за жителите на тој украински град, Чубенко рече дека веќе седум месеци живеат без струја и дека буквално преживуваат од хуманитарните пакети.

И 63-годишната Татјана Халченскаја рече дека по хуманитарната помош доаѓа ризикувајќи си го животот, но дека тоа е единствениот начин за да преживее.

„Се разбира дека е тешко да се живее под вакви напади, но ние сме силни и градот ќе опстане додека сме ние во него“, порача Халченскаја.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

(Видео) Герасимовски излезе на терен со инспекцијата: Затворено градилиште позади Универзална сала

Следно

Бајден бил опериран од рак на кожа, канцерогеното тело е успешно отстрането

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop