Тоа што украинските сили имаат напредок околу Бахмут, пак, и што толку многу месеци досега се борат за овој град, Малјар вели дека ја покажува силата на нашите борци и високиот степен на професионалност
Последните денови украинските сили ослободиле околу 20 квадратни километри територија од руската окупација кај источен Бахмут, тврди заменик-министерката за одбрана на Украина, Хана Малјар.
Со тврдењата таа излезе на Телеграм наведувајќи дека кога станува збор за градот, руските сили донекаде напредувале внатре и оти тешките борби продолжуваат.
„Непријателот малку по малку напредува во Бахмут, целосно уништувајќи го градот со својата артилерија. Тешките борби продолжуваат со мешовити резултати. Во моментов, нашите војници даваат се од себе, дури и повеќе од тоа“,
вели заменик-министерката.
Тоа што украинските сили имаат напредок околу Бахмут, пак, и што толку многу месеци досега се борат за овој град, Малјар вели дека ја покажува силата на нашите борци и високиот степен на професионалност.
„Ќе потсетам дека непријателот има предност во бројот на луѓе и оружје. Во исто време, благодарение на акциите на нашата армија, непријателот од минатото лето не може да ги оствари своите планови во однос на Бахмут“,
вели Малјар.
Извор: 360stepeni.mk
