Украина му одговори на Путин за божиќното примирје: Чувај си го лицемерието за себе

January 5, 2023
1 min read

Советникот на Зеленски вели дека Русија е таа која окупира туѓи територии и примирје ќе има, како што вели, кога окупаторската војска ќе ја напушти Украина. За апелот на рускиот патријарх Кирил, пак, вели дека е цинична замка и потсетува дека токму руската црква поттикнуваше масовни убиства и повикуваше на милитаризација

Рускиот претседател Владимир Путин и рускиот патријарх Кирил / Фото: EPA-EFE/MIKHAIL METZEL / KREMLIN

Украинската страна ја нарече лицемерна наредбата на рускиот претседател Владимир Путин за прекин на огнот за време на Бадник и Божиќ.

Советникот на претседателот Володомир Зеленски, Михаило Подољак, порача дека примирје ќе има само тогаш кога руските сили ќе ги напуштат окупираните територии.

„Прво. Украина не напаѓа туѓа територија и не убива цивили како што прави Руската Федерација. Украина на своја територија уништува само припадници на окупаторската војска. Второ. Руската Федерација мора да ги напушти окупираните територии. Само тогаш ќе има ’привремено примирје‘. Чувајте го лицемерието за себе“,

напиша Подољак на Твитер.

Претходно, Кремљ објави дека Путин наредил 36 часовен прекин на огнот поради празнувањето на Бадник и Божиќ, кој би започнал утре (6 јануари) на пладне и ќе трае и на првиот ден од Божиќ односно до 7 јануари до полноќ.

Кремљ во соопштението наведе дека Путин издал таква наредба имајќи го предвид апелот на московскиот патријарх Кирил кој на такво нешто повика претходно во текот на денот.

Подољак претходно на Твитер го искоментира и апелот на патријархот Кирил потсетувајќи дека токму Руската православна црква (РПЦ) на чело со него ја поддржа војната на Путин во Украина и повика на милитаризација.

„РПЦ не е авторитет на глобалното православие и таа делува како ’воен пропагандист‘. РПЦ повика на геноцид вр Украинците, поттикна масовни убиства и инсистираше на уште поголема милитаризација на Руската федерација. Оттука, изјавата од РПЦ за ’божиќно примирје‘ е цинична замка и уште дел од пропагандата“,

наведе Подољак.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Утре во 11 часот празничен концерт на плоштадот „Македонија“, по што Бадниковите поворки ќе се упатат кон Соборниот храм

Следно

Путин нареди прекин на огнот на 6 и 7 јануари

Latest from Blog

Американско-Балканската Трговска Комора со ексклузивен настан во Њујорк во рамките на UNGA80

Во рамките на 80тото Генерално собрание на Обединетите нации (UNGA80), во Њујорк се одржа ексклузивен настан во организација на Американско-Балканската Трговска Комора, кој собра влијателни гости од политичкиот, дипломатскиот и бизнис светот.

Во Велес гласаат 69 болни и немоќни лица

Избирачките одбори на ОИК Велес денеска ќе ги посетат домовите на 69 болни и немоќни граѓани, а кои припаѓаат на 33 избирачки места. Гласањето на овие наши сограѓани е во рамките на

30 години Delfino Mobility Group: македонскиот автомобилски лидер со блескава регионална промоција во Тирана

Регионалниот лидер во автомобилскиот бизнис сектор, Delfino Mobility Group Скопје, го прошири своето присуство во регионот со свечена промоција во најстрогиот центар на Тирана. Гламурозниот настан, одржан на престижниот плоштад Италија, претставуваше
Go toTop