Украден монитор од компјутер во бугарскиот Културно-информативен центар

Во текот на минатата ноќ биле ограбени три објекти, меѓу кои и Културно-информативен центар на Република Бугарија.

– Денеска (16.03.2023) во СВР Скопје е пријавено дека во текот на ноќта со употреба на сила било влезено во два угостителски објекта и во објект на Културно-информативен центар на Република Бугарија, на подрачјето на Центар во Скопје, при што од угостителските објекти биле одземени пари, а од Центарот е одземен еден монитор од компјутер, информира МВР.

Увид извршила екипа од СВР Скопје и се преземаат мерки за расчистување на случајот.