Турското МНР го осуди нападот на терористичката ПКК врз ирачките војници

ИСТАНБУЛ (АА) – Туркије, заедно со Ирак, ќе продолжи да се бори против тероризмот, соопшти денес турското Министерство за надворешни работи по убиството на двајцата ирачки граничари од страна на терористите на ПКК, јавува Анадолу.

„Јасно е дека терористичката организација ПКК претставува заедничка закана за националната безбедност и на Туркије и на Ирак, и го нарушува суверенитетот на земјата“, напиша портпаролот Онџу Кечели на платформата X.

Кечели истакна дека вчерашниот напад врз граничарите повторно го „откри вистинското лице“ на терористичката организација ПКК.

На крајот од соопштението се изразува длабока тага за загинатите и сочувство до народот на Ирак.

Ирачкото Министерство за внатрешни работи вчера соопшти дека двајца терористи на ПКК, кои убија двајца ирачки граничари, се неутрализирани во судирите во подрачјето на Батуфа во дистриктот Захо.

Командата на Ирачката гранична стража, поврзана со Министерството за внатрешни работи, соопшти дека граничните сили се судриле со терористите, што резултирало со смрт на напаѓачите. Во инцидентот бил повреден и уште еден стражар.

Терористичката организација ПКК не само што ги таргетира безбедносните сили и цивилите во Ирак со терористички напади што ја поткопуваат безбедноста и стабилноста на земјата, туку и ги спречува активностите за развој и надлежните да стигнат до стотици села под нејзина окупација.

Во својата 40-годишна терористичка кампања против Туркије, ПКК, којашто е означена како терористичка организација од страна на Туркије, САД и ЕУ, е одговорна за смртта на над 40.000 луѓе, меѓу кои и деца, жени и постари лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.