АНКАРА (АА) – Турскиот претседател Реџеп Таип Ердоган изјави дека наскоро ќе објави различни проекти кои дополнително ќе ја зголемат силата на турската Армија на копно, воздух и море, јавува Анадолу.
„Ние сме во фаза на правење нашите проекти од одбранбената индустрија, што ги извршуваме со внимание, трудољубивост и решителност, да ги надополнат нашите политички и економски сили“, истакна Ердоган на ифтарската вечера во Анкара со бригадата за хуманитарна помош на турската Армија.
Ердоган нагласи дека турската Армија пишува историја со своите успеси „од безбедноста на границите до напорите во борбата против тероризмот, од меѓународните мисии до активностите за хуманитарна помош“, и ги обновува регионите погодени од земјотресот во согласност со реалноста во регионот.
На 6 февруари, земјотреси со магнитуда од 7,7 и 7,6 степени по Рихтер погодија 11 турски области – Адана, Адијаман, Дијарбакир, Елазиг, Хатај, Газиантеп, Кахраманмараш, Килис, Малатија, Османије и Шанлиурфа.
Над 13,5 милиони луѓе во Туркије се погодени од разорните земјотреси, како и многу луѓе во северна Сирија.
„Обезбедивме 3,3 милиони семејства со безбедни и мирни домови со нашите проекти за урбана трансформација и уште 1,2 милиони семејства со куќи на ТОКИ (Управата за развој на домувањето во земјата). Во исто време ги реновираме нашите јавни згради на планиран начин“, додаде турскиот претседател.
Ердоган понатаму потсети на политичките и хуманитарните закани околу Туркије, нагласувајќи дека „политичките кризи, конфликтите, војните, тензиите“ никогаш не отсуствуваат и дека директно влијаат на регионот во кој е лоцирана Туркије.
Извор: www.aa.com.tr
