Турскиот претседател Ердоган ги прими синовите на убиениот шеф на Хамас

ИСТАНБУЛ (АА) – Турскиот претседател Реџеп Таип Ердоган синоќа ги прими Абдуселам и Хамам Ханије, синовите на шефот на Политичкото биро на Хамас, Исмаил Ханије, кој беше убиен минатиот месец во иранскиот главен град Техеран, јавува Анадолу.

За време на средбата во Истанбул, Ердоган им изрази сочувство на синовите на Ханије за смртта на нивниот татко.

Присутни беа и шефот на турската разузнавачка служба, Ибрахим Калин, и главниот советник на претседателот Сефер Туран.

Исмаил Ханије беше убиен на 31 јули во иранскиот главен град Техеран. Иран и палестинската група Хамас за убиството го обвинија Израел, кој ниту ја потврди ниту ја негираше одговорноста.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.