ХАТАЈ (АА) – Бројот на загинати во силните земјотреси кои на 6 февруари ја погодија јужна Туркије се искачи на 43.556, изјави турскиот министер за внатрешни работи Сулејман Сојлу, пренесува Анадолу.
Сојлу говореше вечерва во живо за ТРТ Хабер од Хатај, една од 11-те турски области кои беа погодени од земјотресите.
Турскиот министер Сојулу рече дека Туркије се соочила со еден од најразорните земјотреси во светот.
„Во изминатите две и пол и три години претрпевме многу големи катастрофи, од поплави и пожари до земјотреси. Првите вести што ги примивме веднаш беа знак дека се работи за голема катастрофа“, рече Сојлу и порача дека Република Туркије и нејзиниот народ ќе ја надминат и оваа катастрофа.
Над 7.250 последователни потреси се регистрирани во јужна Туркије во изминатите 17 дена.
Турскиот претседател Реџеп Таип Ердоган претходно најави дека земјата ќе изгради околу 200.000 станбени единици кои се урнати во неодамнешните земјотреси во рок од една година, и дека сите погодени од земјотресите ќе бидат згрижени.
Извор: www.aa.com.tr
