ХАТАЈ (АА) – Спасувачките тимови во јужните делови на Туркије спасија жена од урнатините на зграда во Антакија, во Хатај, дури 176 часа по првиот разорен земјотрес што го погоди регионот, јавува Анадолу.
Откако дознале дека под урнатините има преживеан, спасувачите започнале акција за спасување, а потоа успеале да ја извлечат жената Серап Донмез.
Како што јави репортерот на Анадолу, членовите на спасувачката екипа не ги криеле солзите по успешното спасување, а жената е хоспитализирана.
Два разорни земјотреси со јачина од 7,7 и 7,6 степени според Рихтер ги погодија јужните делови на Туркије со епицентар во Кахраманмараш на 6 февруари, а бројни спасувачки екипи сè уште ревносно работат на пребарување и спасување на луѓето затрупани во урнатините на зградите.
Во земјотресите животот го загубија најмалку 31.643 луѓе.
Извор: www.aa.com.tr
