ХАТАЈ (АА) – Женско лице со странско потекло, Муна Дабул, е спасена од урнатините на зграда во градот Антакија, Хатај, 204 часа по земјотресот што минатиот понеделник ја погоди јужна Туркије, јавува Анадолу.
Бројни спасувачки екипи продолжуваат со операциите за пребарување и спасување во градот Антакија во турската област Хатај, погодена од земјотресот што го нарекуваат „катастрофа на векот“.
Спасувачите денеска, по огромни напори, од урнатините во централниот дел на Антакија успеаја да спасат женско лице со странско потекло, Муна Дабул, која веднаш е префрлена во болница.
Два разорни земјотреси со јачина од 7,7 и 7,6 степени според Рихтер на 6 февруари ги погодија јужните делови на Туркије со епицентар во Кахраманмараш, а бројни спасувачки тимови сè уште ревносно работат на пребарување и спасување на луѓето затрупани во урнатините на зградите.
Во земјотресите на југот на Туркије досега загинаа 31.974 лица, соопшти Управата за катастрофи и вонредни состојби (АФАД).
Од АФАД се наведува дека по двата разорни земјотреси, регистрирани се уште 3.170 помали земјотреси.
На терен делуваат 35.249 припадници и членови на различни институции од Туркије и меѓународни спасувачки екипи. На терен се 9.456 луѓе од други земји.
Извор: www.aa.com.tr
