АНКАРА (АА) – Полициската управа во Анкара, приведе 33 лица во акција против хакери, кои се обиделе да извршат кибернапади на 450 веб-страници на јавни турски институции, јавува Анадолу.
Како што соопштија од Обвинителството во Анкара, станува збор за хакерски структури во рамките на терористичката организација ДХКП-Џ, а операции се спроведуваат во 19 градови низ Туркије.
Налог за приведување е издаден против вкупно 42 лица, припадници на хакерските т.н. групи „РедХак“ и „Црвени хакери“, а се осомничени за неовластен пристап до повеќе од десет илјади веб-страници, меѓу кои и 450 веб-страници на државни институции и установи.
Според соопштението на Обвинителството, за време на хакерските напади биле откриени обиди за пристап и пренос на доверливи податоци поврзани со државната безбедност.
Истрагата во врска со овој случај е во тек.
Извор: www.aa.com.tr
