АНКАРА (АА) – Вкупно 1,87 милиони туристи ја посетиле Туркије во февруари оваа година, што е пораст од 21,35 отсто во однос на минатата година, покажуваат официјалните податоци објавени денес, јавува Анадолу.
Според податоците на турското Министерство за култура и туризам, во февруари 2022 година Туркије ја посетиле 1,54 милиони странски туристи, додека во истиот месец 2021 година околу 538.000.
Истанбул, најголемиот град во Туркије по бројот на популацијата, е на врвот на листата на странски посетители, привлекувајќи 1,08 милиони туристи.
Следува Едрене, област во северозападниот дел на Туркије што се граничи со Бугарија и Грција, со 222.554 посетители, а туристичкиот град Анталија пречека 196.492 туристи.
Од 1,87 милиони туристи, Русите сочинуваат 12,17 отсто од сите туристи, потоа Бугарите со околу 151.000, Германците со речиси 149.000, Иранците со 113.000 и Грузијците 104.000.
Во периодот јануари-февруари Туркије привлече 3,88 милиони странски туристи, што е пораст за 37,3 отсто од истиот период минатата година.
Извор: www.aa.com.tr
