АНКАРА (АА) – Туркије упати критики кон Европскиот парламент поради тоа што дозволи прикажување на пропагандата на терористичката организација ПКК за време на пленарна седница, јавува Анадолу.
Наведувајќи дека е неприфатливо членови на терористичката организација ПКК лесно да влезат во Европскиот парламент и да протестираат како што сакаат, во соопштението на турското Министерство за надворешни работи се истакнува дека е чудно неинтервенирањето против овие поединци.
Се додава дека инцидентот „ја открива неспособноста и неискреноста на Европската Унија, и особено на Европскиот парламент во борбата против тероризмот“.
Познато е дека поддржувачите на ПКК одржуваат протести пред Европскиот совет и институциите на Европската Унија.
ПКК, која е ставена на листата на терористички организации во Туркије, САД и ЕУ, во период од над 35 години усмрти повеќе од 40.000 луѓе, меѓу кои жени, деца и постари лица.
Извор: www.aa.com.tr
