АНКАРА (АА) – Турскиот претседател Реџеп Таип Ердоган денес го пречека ирачкиот премиер Мохамед Шиа ал Судани со официјална церемонија во главниот град Анкара, јавува Анадолу.
„Ердоган и Ал Судани ќе одржат средба во Претседателскиот комплекс, по што ќе следуваат состаноци на делегациите и заедничка прес-конференција“, соопшти Дирекцијата за комуникации при Кабинетот на претседателот на Туркије.
Се додава дека лидерите ќе разменат мислења за односите меѓу Туркије и Ирак, борбата против тероризмот, обновата на Ирак и заедничките чекори кон подобрување на соработката, особено во областа на трговијата и енергетиката.
Тема на разговор ќе бидат регионалните и глобалните прашања.
Се очекува на средбите да бидат потпишани повеќе договори што ќе придонесат за договорна основа на билатералните односи.
Туркије силно го поддржува територијалниот интегритет, суверенитет и политичкото единство на Ирак.
Извор: www.aa.com.tr
