АНКАРА (АА) – Претседателот на Република Туркије, Реџеп Таип Ердоган, денеска изјави дека неговата земјата покажува најостра реакција на масакрите во Газа, преземајќи конкретни мерки против Израел, извесетува Анадолу.
„Ние сме единствената земја која покажа најостра реакција на масакрите во Газа од 7. октомври досега и преземала конкретни мерки против Израел“, рече Ердоган на консултативната средба на турската владејачка Партија на правдата и развојот (АК Партија) во градот Кизилџихамам, во турската област Анкара.
Ердоган ја поздрави одлуката на турскиот парламент да ги осуди израелските масакри во Рафа, град во јужниот дел на Појасот Газа, велејќи дека таа одлука е „исклучително вредна“.
Турскиот претседател информираше дека неговата земја испратила повеќе од 55.000 тони хуманитарна помош во Палестина и дека продолжува со оваа поддршка.
Најмалку 36.284 Палестинци, од кои 15.328 деца и 10.171 жени, се убиени, а 82.057 се ранети во израелските напади на палестинската енклава од 7 октомври минатата година.
Израел е обвинет за геноцид пред Меѓународниот суд на правдата (МСП), кој во својата најнова одлука му нареди на Тел Авив веднаш да ја прекине операцијата во Рафа, град во јужниот дел на Појасот Газа, каде што повеќе од милион раселени Палестинци побараа засолниште.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.
Извор: Anadolu Agency (AA)
