АНКАРА (АА) – Американските чекори кои ја охрабруваат администрацијата на кипарските Грци на Јужен Кипар дополнително да се вооружува, не придонесуваат за регионалната стабилност, соопшти турското Министерство за надворешни работи, пренесува Анадолу.
„Како што постојано нагласувавме заедно со ТРСК (Турска Република Северен Кипар), чекорите преземени од САД на сметка на нарушување на рамнотежата од островот Кипар и охрабрување на вооружувањето на администрацијата на кипарските Грци не придонесуваат на кој било начин за регионалната стабилност или праведно, одржливо и трајно решавање на кипарското прашање“, се вели во соопштението на Министерството.
„Туркије силно ја поддржува изјавата на Министерството за надворешни работи на ТРСК за неодамнешното закотвување на американска подморница за напад во пристаниште на кипарските Грци и активностите за вооружување на администрацијата на кипарските Грци“, се додава во соопштението.
„Уште еднаш ги повикуваме САД да ги преиспитаат овие политики. Повторуваме дека Туркије ќе продолжи одлучно да ги брани правата и интересите на ТРСК под сите околности и услови, во рамките на одговорноста што произлегува од нашиот статус на гарант“, се вели во соопштението.
– Кипарско прашање –
Островот е блокиран во повеќедеценискиот спор меѓу кипарските Грци и кипарските Турци и покрај низата дипломатски напори за постигнување сеопфатно решение.
Етничките напади што започнаа во раните 1960-ти години ги принудија кипарските Турци да се повлечат во енклави заради својата безбедност.
Во 1974 година државниот удар на кипарските Грци, со цел грчка анексија на островот, доведе до воена интервенција на Туркије како гарантна сила за заштита на кипарските Турци од прогон и насилство. Турската Република Северен Кипар е основана во 1983 година.
Во изминатите години беше сведок на повремен мировен процес, вклучително и неуспешната иницијатива од 2017 година во Швајцарија под покровителство на земјите гаранти Туркије, Грција и Велика Британија.
Администрацијата на кипарските Грци беше примена во ЕУ во 2004 година, истата година кога кипарските Грци го спречија планот на ОН за ставање крај на долгогодишниот спор.
Извор: www.aa.com.tr
