Тиндер, апликацијата за запознавање, спроведе истражување за да ги утврди, меѓу другото, трите работи кои жените сакаат мажите да ги прават на првиот состанок.
Во истражувањето учествувале 8.000 мажи и жени на возраст од 18 до 24 години. Дури 91 отсто од мажите и 94 отсто од жените се согласиле дека е тешко да се најде љубов во последните неколку години.
Повеќето самци (53 проценти од мажите и 68 проценти од жените) бараат сериозна врска. Тиндер потоа откри што навистина сакаат жените кога првпат излегуваат со потенцијален партнер:
1. За мажите да се погрижат безбедно да се вратат дома (55 проценти од жените го кажале ова)
2. Да го спуштите телефонот додека разговарате со нив (55 проценти)
3. Да им дадете искрени комплименти (50 проценти)
„Луѓето сакаат врски повеќе од кога било, но на начин да не се избрзани или неискрени. Во модерните времиња, тие сакаат да зборуваат за важни прашања и долгорочни цели и да се поврзуваат на значајни начини“, наведува Тиндер.
Извор: kurir.mk
