Светски познатото турско кафе се издвојува и по начинот на подготовка

December 5, 2024
2 mins read

– Халис АКЈИЛДИЗ

Турското кафе, кое е познато низ светот со својот уникатен вкус, мирис и обилна пена, се издвојува и со своето готвење и презентација, пишува Анадолу.

Турското кафе е вклучено на листата на нематеријално културно наследство на Организацијата за образование, наука и култура на Обединетите нации (УНЕСКО) на 5 декември 2013 година. Од овој датум, 5 декември секоја година се слави како Светски ден на турското кафе со цел да се заштити културата и традицијата на турското кафе.

Турското кафе, кое со својот мирис и вкус е меѓу незаменливите нешта за љубителите на кафе, познато е како едно од најпосакуваните кафиња поради неговиот ароматичен вкус.

Јунус Чакмак, кој изведува обуки за кафе во Бакиркој, на дописникот на АА му зборуваше за процесот на подготовка и варење на пенесто турско кафе.

Чакмак истакна дека постојат одредени правила за подготовката на турско кафе, додавајќи дека водата мора да биде квалитетна, опремата мора да биде многу добра и да не се користат бајати зрна кафе.

– 98 % од турското кафе се готви неправилно

Наведувајќи дека 98 % од турското кафе кое се служи во Туркије се готви и вари погрешно, Чакмак нагласи дека кафето треба да се подготвува од свежо мелени зрна.

Зборувајќи дека изведува обука за готвење и варење турско кафе, Чакмак продолжи со зборовите:

„За да се направи пенесто кафе со неговиот уникатен вкус и мирис, првенствено кафето мора да биде свежо. Второ, ѓезвето за кафе што ќе го користите треба да биде сребрено одвнатре и бакарно однадвор. За вкусно турско кафе потребна е добра опрема, кафето да биде свежо сомелено и веднаш ќе се зготви. За подготовка на турско кафе нема одреден тип зрно. Ова е единствен пијалак кој се консумира со неговиот талог. Времето за готвење не треба да надмине 2,5 минути и кога ќе почне да врие, истурете го во чашата.“

Чакмак рече дека тацната во која ќе се служи турското кафе треба да биде широка, а филџанот да биде мал и тесен, и да се служи со вода или минерална вода. Тој предложи да се консумираат најмногу 3 филџани кафе на ден.

Објаснувајќи дека турското кафе, кое се пие специјално на традиционалните церемонии на просидба, на традиционалните состаноци, при склопување големи зделки, во семејни средини и на свадбите, Чакмак појасни дека начинот на подготовка на кафе се разликува во секоја турска област и додаде:

„На пример, во еден регион во Анадолија, посипуваат ф’стаци, нарекувајќи го флертувачко. Во Хатај го нарекуваат витешко кафе, а станува збор за темното подготвено кафе кое го сервираат во чаша за чај. Покрај турското кафе најмногу одговара чаша вода и двојно печен локум.“

– На кафето не треба да се додаваат ароми

Чакмак за додавањето разни елементи во турското кафе, кое се служи како „кафе за младоженецот“ на церемонијата за барање невеста, рече:

„Во турското кафе не се додаваат надворешни адитиви. Гледам кафиња со арома, како мастика или каранфилче. Ако сакате да додадете вкус во турското кафе, можете да додадете стапче цимет, каранфилче, кардамон. Не треба да се додаваат хемиски и прашести ароми. На церемонијата за барање невеста, во кафето на младоженецот се става сол, но и тоа веќе не е така, се смени. Додаваат лути сосови или црн пипер. Нека не го прават тоа. Најдобро е да се напиете обично турско кафе. Не треба да се консумира со малку млеко или со шеќер.“

Потенцирајќи дека на турското кафе не му се посветува потребното внимание, Чакмак истакна:

„Имаме повеќе машини од повеќето места во Европа, сѐ правиме добро, им обраќаме внимание, но не му обраќаме внимание на турското кафе. Кога одите во Грција или Франција, во квалификувано кафуле пиете многу убаво турско кафе. Вам во Панама ви прават турско кафе од гејша или од сидра во Колумбија, но не го прават од рио минас како нас. Зрното именувано како рио минас е најпосакуваното зрно кафе во Туркије“, коментираше Чакмак.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Најмалку 22 Палестинци се убиени во новите израелски воздушни напади во Газа

Следно

Корупцијата останува врвен проблем за граѓаните

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop