Супермоделот Татјана Патиц почина на 56-годишна возраст 

January 11, 2023
1 min read

Татјана Патиц своевремено беше прогласена за една од најубавите жени на светот, а ја доби и титулата „најмистериозна манекенка“. Многумина ќе ја паметат по нејзиното учество во видео-спотот на Џорџ Мајкл за хитот Freedom. Причината за смртта на Татјана Патиц сè уште не е објавена

Супермоделот Татјана Патиц, позната како член на славната петорка, која во текот на 1990-тите години од минатиот век ја формираше со Наоми Кембел, Синди Крафорд, Линда Евангелиста и Кристи Тарлингтон, почина на 56-годишна возраст. 

Татјана Патиц во Хамбург, 2006 година/Фото: EPA-EFE/Kay Nietfeld GERMANY OUT

Татјана Патиц своевремено беше прогласена за една од најубавите жени на светот, а ја доби и титулата „најмистериозна манекенка“. 

Манекенката во еден момент реши да се повлече од јавноста за да се посвети на семејниот живот, а во некои од своите изјави велеше дека „ги презира деновите на нејзината најголема слава“.

 Така во едно интервју пред две години изјавила дека „никогаш не ја продала душата“. 

 Сепак, таа се занимаваше со манекенство до 2019 година, кога чекореше на пистата за брендот „Етро“ во Милано. 

Татјана Патиц е родена во Германија, а пораснала во Шведска. Со манекенство започнала да се занимава на 17 години, кога го освоила третото место на натпреварот „Елит модел арк (Elite Model Arch) во Стокхолм. 

Наградата била патување во Париз со ограничен временски договор. 

Сепак, како што потсетува РТС, ѕвездата не беше родена толку брзо, бидејќи Патиц долго време беше без сериозен ангажман. 

Татјана Патиц во Минхен, 4 декември 2015 година/Фото: EPA/URSULA DUEREN

 Нејзината кариера тргна во нагорна линија, откако беше забележана од познатиот фотограф Питер Линдберг. 

 Таа беше на насловните страница на повеќе од 200 најпрестижни списанија. 

 Многумина ќе ја паметат по нејзиното учество во видео-спотот на Џорџ Мајкл за хитот Freedom. 

 „Татјана отсекогаш била европски симбол за шик“,

говореше  Ана Винтур, уредничката на Вог. 

Причината за смртта на Татјана Патиц сè уште не е објавена. 

Извор: 360stepeni.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Сестрата на Тупанчески ја повлече кандидатурата за функцијата за која решава брат ѝ – министер

Следно

Трајанов: Прво закон за една изборна единица, потоа избори и на крајот уставни промени

Latest from Blog

Фото: Убава актерка во секси бикини

Сидни Свини сè уште се чини дека е во центар на  вниманието на светската јавност, а странските медиумски фотографи го следат секој нејзин потег. Сега жешките фотографии на актерката се појавија на

Статуа стара 1.800 години откриена во Турција

Ископувањето е спроведено на стадион стар 2.000 години, за кој се верува дека го изградиле македонски војници кои се населиле во областа за време на анадолската кампања на Александар Македонски. Според археолозите,

Серија предомислувања во СДСМ: Спасовски пишман-координатор, Филипче пишман-црвенолинијаш

Оливер Спасовски останува координатор на пратеничката група на СДСМ во Собранието, рече денеска на прес-конференција претседателот на партијата Венко Филипче. Тој одговори на новинарско прашање во врска со неодамнешната изјава на Спасовски
Go toTop