Денес, градоначалникот на општина Гази Баба Бобан Стефковски оствари средба со Амбасадорот на Турција во Република Македонија Н.Е Хасан Мехмет Секизќок.
– На средбата изразив сочувство во мое име и во името на граѓаните на општина Гази Баба до турскиот народ и турската држава за големиот број на загинати, повредени и големата материјална штета која настана како последица на траорниот земјотрес кој ја погоди Турција. Дополнително на Амбасадорот Н.Е Хасан Мехмет Секизќок му понудивме и други форми на помош кои општина Гази Баба може да ги понуди на турската држава, порача првиот човек на Гази Баба.
Општина Гази Баба негува пријателски однос со турскиот народ и тоа ќе продолжи така и во иднина. По средбата со Амбасадорот во резиденцијата, ја посетив Амбасадата на Турција каде што се потпишав во отворената книга на жалост, додаде Стефковски.
По средбата со Амбасадорот во резиденцијата, Стефковски ја посети и Амбасадата на Турција каде што се потпиша во отворената книга на жалост.
ИЗВОР: skopjeinfo.mk
