Српскиот министер за обрана Милош Вучевиќ е нов претседател на владејачката СНС

Вучевиќ рече дека политиката на СНС нема да се промени и дека партијата го поддржала предлогот на нејзиниот досегашен лидер и претседател на Србија, Александар Вучиќ, да учествува во формирањето на Народното движење

Претходно на партискиот состанок на СНС, оставка од партиската функција поднесе претседателот на Србија и сега веќе поранешен лидер на партијата, Александар Вучиќ. Тој го најави своето заминување од лидерската позиција во партија уште минатиот месец, а вчера го потврди на митингот во Белград, порачувајќи им на неговите поддржувачи оти за последен пат им се обраќа како претседател на Српската напредна партија

Министерот за одбрана на Србија, Милош Вучевиќ, е избран за претседател на владејачката Српска напредна партија (СНС), откако досегашниот лидер Александар Вучиќ поднесе оставка од партиската функција.

Изборот на нов претседател на СНС не е дисконтинуитет на партијата, туку отворање ново поглавје, порача Вучевиќ откако беше избран за нов партиски лидер.

Нагласи дека политиката на СНС нема да се промени и дека партијата го поддржала предлогот на нејзиниот досегашен лидер и претседател на Србија, Александар Вучиќ, да учествува во формирањето на Движењето за народот и државата, односно Народното движење.

• Вучиќ најави формирање на Народно движење за државата

Вучевиќ најави дека конституирањето на партиските тела ќе се случи на 24 јуни, а кон крајот на јуни, како што нагласи, ќе се случи приклучувањето на големото Народно движење кое, како што рече, го разбираат како повик за зајакнување на политичкиот фронт за државата.

Претходно на партискиот состанок на Српската напредна партија, оставка од партиската функција поднесе претседателот на Србија и сега веќе поранешен лидер на СНС, Александар Вучиќ.

• (ФОТО) Вучиќ го почна митингот со минута молчење, па најави дека од утре нема да биде претседател на СНС

Вучиќ го најави своето заминување од лидерското место во партија уште минатиот месец, а вчера го потврди на митингот во Белград, порачувајќи им на неговите поддржувачи оти за последен пат им се обраќа како претседател на Српската напредна партија.

Вучиќ заедно со поранешниот претседател на Србија, Томислав Николиќ, е еден од основачите на СНС. Пред тоа, тие беа високи функционери на десничарската Српска радикална партија, на чело со хашкиот осуденик Воислав Шешељ. Вучиќ беше избран на челната позиција во СНС во мај 2012 година, кога партијата дојде на власт.