Српската десница на протест против договорот со Косово

March 24, 2023
1 min read

Десничарските партии кои денеска учествуваа на протестот претходно испратиле писмо до претставниците на Европската Унија и амбасадите на земјите кои не го признаа Косово, во кое го изразиле своето противење на договорот на ЕУ за нормализација и оцениле дека е „ништовен“

Приврзаници на четири опозициски парламентарни партии од српската десница денеска го блокираа сообраќајот пред зградата на владата во центарот на Белград, барајќи отфрлање на договорот за нормализација на односите меѓу Србија и Косово. Побараа и оставка од српскиот претседател Вучиќ и распишување на вонредни избори.

Учесниците на протестот носеа маици со буквата „З“ која е симбол на руската агресија на Украина и транспаренти со написи „Не за капитулација“ и  „Оставка за Вучиќ“.

Движењето Двери, Заветници, Нова демократска партија на Србија и Движењето за обновување на Кралството Србија објавија дека организирале собири и блокади на градските седишта во другите градови ширум Србија.

„Идејата е ова да биде почеток на предупредувачките протести кои ќе се одржат во наредниот период“,

рече лидерот на Двери, Бошко Обрадовиќ.

Фото: Нова.рс

Протестот во Белград под слоганот „Не за капитулацијата“ започна во 12 часот и 44 минути, како алузија на Резолуцијата 1244 на Обединетите нации за Косово и на денот во 1999 година кога започна НАТО-бомбардирањето на тогашната Сојузна Република Југославија.

На 24 март 1999 година НАТО започна интервенција поради егзодусот и воените злосторства извршени од српските сили врз албанското население за време на војната во Косово.

Десничарските партии кои денеска учествуваа на протестот претходно испратиле писмо до претставниците на Европската Унија и амбасадите на земјите кои не го признаа Косово, во кое го изразиле своето противење на договорот на ЕУ за нормализација и оцениле дека е „ништовен“.

Писмото било испратено до претставниците на ЕУ, Жозеп Борел и Мирослав Лајчак, како и членови на Европскиот парламент и амбасадите на Шпанија, Романија, Грција, Кипар и Словачка.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Потпишан Договор за збратимување помеѓу скопските општини Чаир и Сарај со малтешката Општина Л-Исла

Следно

Нетанјаху во Лондон пречекан со свирежи и повици поради реформите во правосудството во Израел

Latest from Blog

Водители ѝ ги мирисаат стопалата на Дру Баримор, а потоа таа ги мириса нивните (ВИДЕО)

Во духот на спонтаноста по која е позната, популарната актерка и водителка без двоумење ги помириса стапалата на своите ко-водители, Сани Андерсон и Рос Метјуз, додека студиото се смееше и не можеше

Снаа на погребот на свекрвата дознала дека сопругат со години ја изневерувал- имал паралелно семејство и син, ќе оди во затвор

Според телевизијата Хенан, жената со презиме Шанг од покраината Шандонг била во брак со својот сопруг, Ванг, 19 години. Не е познато дали имале деца. Во јуни 2022 година, откако починала нејзината
Go toTop