Тешко не погоди трагичниот настан во ОУ „Владислав Рибникар“ во Белград, загубените животи на осум деца и училишниот чувар, повредените ученици и наставникот. Во земја каде што две третини од граѓаните имаат чувство на безнадежност и исто толку од нив покажуваат силно чувство на егоцентричност, ваков настан, за жал, беше очекуван. Изгубените млади животи не можат да се вратат, но мора да се направи се за да не се повтори вакво нешто, соопштија од Европското движење во Србија.
Како што јави допсиникот на МИА од Белград, во соопштенито се наведува дека во вакви тешки и трагични моменти за Србија, власта, за жал, не престанува да шокира, да ги продлабочува поделбите и да ги доведува граѓаните во заблуда со популистички изјави и произволни оценки. Владата, која со заробување на институциите, задушувајќи ја слободата на медиумите и изразувањето, промовирајќи говор на омраза и нетолеранција, го обликува јавното мислење по своја дискреција, создавајќи доминантно чувство на вознемиреност, мора да преземе одговорност, се вели во соопштението.
-Најостро ја осудуваме изјавата на министерот за образование Бранко Ружиќ, кој наместо да понуди оставка, вината за ваков настан ги обвинува „канцерогеното влијание на интернетот, видео игрите и западните вредности“. Употребата на новите технологии нема национален или географски предзнак, има свои предности, како и можности за злоупотреба, за кои систематски се грижат добронамерните, посветени и демократски општества. Училиштата, како што рече и самиот министер Ружиќ, не се изолирани острови, тие се слика на општеството што ги обликува, соопштија од Европското движење.
Во соопштението се наведува и дека „жалосно е што еден ваков трагичен настан се користи за дневно-политички цели, за повторно создавање на лажна слика за заедницата на општества чиј природен дел е Србија и во чијашто суштина се универзалните човечки вредности“.
Се прашуваме што треба уште да се случи за да може власта да прифати дека не е сè дозволено во битката за рејтинг, дека е време да престане со реалните програми кои промовираат агресија и насилство на телевизија со национална фреквенција, дека претседателот на државата, кој има најголемо влијание во општеството почне да промовира култура на дијалог, да негува култура на меѓусебно почитување и разбирање, а не вознемиреност и страв.
Сè додека живееме во страв, без можност и право да се развиваме како слободни луѓе, ваков трагичен настан може да биде само еден во низата, предупредуваат од Европското движење во Србија.
ИЗВОР: kurir.mk
