Советот на Град Скопје додели шест милиони денари за настраданите од земјотресот во Турција и Сирија

February 8, 2023
1 min read

Советот на Град Скопје на денешната вонредна седница одлучи да додели парична помош во вкупен износ од шест милиони денари за настраданите од катастрофалниот земјотрес во Турција и Сирија, односно по три милиони денари за двете земји. Претседателот на Советот на Град Скопје, Трајко Славески, на денешната седница посочи дека паричната помош ќе се реализира преку уплата на средствата на Фондот за солидарност на Црвениот крст на Република Северна Македонија.

– Паричните средства од член 1 од оваа одлука се обезбедени во Буџетот на Град Скопје за 2023 година, од Програма за постојана резерва непредвидливи расходи. Според член 3, за реализација на оваа одлука се задолжува градоначалникот на Град Скопје. Оваа одлука влегува во сила со денот на објавување во Службен гласник на Град Скопје, информираше Славески.

Советникот Страшо Ангеловски од советничката група на ВМРО-ДПМНЕ и коалицијата, во своето обраќање на седницата посочи дека гласајќи денеска да се одвојат по три милиони денари за двете земји, само ќе си ја „исперат сопствената совест“, притоа знаејќи дека средствата нема да стасаат до Сирија. Тоа е, како што рече, поради тоа што во Сирија уште не се стигнати ниту средства, ниту пари, заради „санкциите и рестриктивните мерки на евроатланските партнери и нивните вредности, кон кои се стремиме“.

– Секако дека ќе го изгласаме, јас ќе бидам прв кој ќе гласа за ова, меѓутоа ајде да се заложиме ваквите вредности да не важат, барем во време кога народите страдаат, без разлика за кој народ станува збор. Луѓето се луѓе. Јас сум огорчен од тие вредности кон кои многумина сакаат да ме водат заедно да ги споделуваме. Искрено сочувство и желба за што поскоро справување со несреќата која ги задеси двата народи и да се надеваме дека пораките од нас ќе стасаат и таму, рече Ангеловски.

Советникот Амар Мециновиќ од Левица оцени дека е убаво што сега Советот покажува капацитет, затоа што на овие луѓе им е потребна помош.

– Народите од Источниот Медитеран нам ни се блиски, со нив делиме историја, со нив делиме дури и една географска целина. Би сакал во овие моменти кога гледаме дека човечкиот пркос е посилен од било што може да се втурне над човечката судбина, дека овие народи повторно ќе ги изградат нивните живеалишта и дека ќе продолжат да живеат мирно и достоинствено, рече Мециновиќ.

ИЗВОР: skopjeinfo.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

ФОТО: Осумгодишниот Југит помина 52 часа под урната зграда во Турција

Следно

НА 104 ГОДИНИ ПОЧИНА БРАНКА ВЕСЕЛИНОВИЌ, НАЈСТАРАТА АКТЕРКА НА СВЕТОТ

Latest from Blog

Удар за Курти: Ја изгуби Јужна Митровица и во Приштина – нема мнозинство

Албин Курти ги загуби локалните избори во Косово и Метохијa Јужна Митровица и Приштина. Кандидатот на Албин Курти, актуелниот министер Фатон Пеци, загуби во изборната трка бидејќи Аријан Тахири од Демократската партија

Романците во „фото-финиш“ ја победија Австрија, Данска ја „преслуша“ Грција

Данска, Хрватска и Полска без поголеми проблеми дојдоа до планираните победи во вечерашните квалификациски дуели за пласман на светското првенство. За разлика од нив, селекцијата на Романија со гол во последната минута

Николоски: Пецаков ќе има историски најголема победа, реализираше бројни проекти и покрај тоа што три години имаше опструкции

,,Во Охрид ќе имаме историски најголема победа на 19. октомври, Кирил Пецаков реализираше бројни проекти и е првиот градоначалник на општината што има далеку поголема поддршка за разлика од првиот пат кога

ЕДЕН ОД ПРИСИЛНО МОБИЛИЗИРАНИТЕ УКРАИНЦИ за својот случај: Се криев осум месеци во подрум, но…

Според видео објавено од Телеграм каналот „Северен Ветар“, 54-годишниот Виктор Мовчан е по потекло од Виницкиот регион и бил присилно мобилизиран во 2023 година. После тоа, неколку пати бил ранет и одел

ЦИК: Излезноста на денешните локални избори во Косово беше 38,48 отсто

На целата територија на земјата, времето за гласање на локалните избори, кои започнаа во 7:00 часот, заврши во 19:00 часот. Според прелиминарните податоци на Централната изборна комисија (ЦИК) на Косово, по обработката
Go toTop