Скопје повторно меѓу најзагадените градови во светот, дури 4 града од Балканот во топ 10

Сараево од утринава е број еден во светот по загаденост на воздухот – податоци на веб-страницата IQAir, по мерењата во 10:33 часот.

На табелата во живо – индексот на загаденост на воздухот во главниот град на Босна и Херцеговина е 190, додека Мумбај е втор со 181.

Што се однесува до Скопје, главниот град на Македонија е на „солидното“ осмо место во светот, откако индексот на загаденост на воздухот е 161.

За забележување е фактот дека дури 4 града од Балканот се утрово меѓу најзагадените во светот – Сараево, Загреб, Скопје и Приштина.