Сириската национална армија започна операција против терористичката група ПКК/ЈПГ

December 1, 2024
1 min read

АЛЕПО (АА) – Сириската национална армија (СНА) започна операција за спротивставување на планот на терористичката група ПКК/ЈПГ за воспоставување терористички коридор меѓу Тел Рифат и североисточна Сирија, соопштија безбедносни извори, известува Анадолу.

Тензиите повторно се појавија во северна Сирија откако антирежимските вооружени групи неодамна го освоија Алепо, вториот по големина град во земјата.

Како што опозициските сили ја започнаа својата операција кон Алепо, силите на сирискиот режим за кратко време изгубија контрола над значајни територии. Ова го поттикна режимот да побара поддршка од терористичката организација ПКК/ЈПГ во борбата против опозицијата, отворајќи ѝ пат на терористичката група да дојде до моќ.

Силите на сирискиот режим почнаа да им ги предаваат областите под нивна контрола на силите на ПКК/ЈПГ источно од Еуфрат. На крајот, голем број терористи на ПКК/ЈПГ и тешко вооружување се префрлени од источната страна на Еуфрат во Алепо.

Терористичката група ПКК/ЈПГ го сметаше предавањето на териториите од сирискиот режим како можност и се обиде да воспостави терористички коридор меѓу Тел Рифат и североисточна Сирија, но планот беше осуетен од силите СНА.

Забележувајќи ги маневрите на терористичката организација среде напредувањето кон Алепо, СНА ја започна операцијата „Зора на слободата“ и брзо излезе на терен.

СНА ги попречи напорите на ПКК/ЈПГ за воспоставување терористички коридор пресекувајќи ја рутата меѓу Рака и Алепо и блокирајќи ја врската меѓу Тел Рифат и североисточна Сирија.

– Ситуацијата во Тел Рифат

Терористите на ЈПГ/ПКК, со руска воздушна поддршка, ја презедоа контролата врз Тел Рифат и некои околни населби во февруари 2016 година.

Терористичката организација ПКК/ЈПГ расели речиси 250.000 цивили од Тел Рифаат и неговата околина, принудувајќи ги да бараат засолниште во областите во близина на турската граница.

Од Тел Рифат, терористичката група ЈПГ/ПКК започна напади врз населените места во регионите на операциите „Штитот на Еуфрат“ и „Маслинова гранка“, како и позициите што ги држат турските безбедносни сили задолжени за безбедноста на тоа подрачје.

Терористичката група ПКК/ЈПГ, која го окупираше округот Тел Рифат, соработуваше со режимот на Башар ал Асад и неговите поддржувачи за да ја одржи контролата врз тоа подрачје.

Додека антирежимските вооружени групи напредуваа кон центарот на Алепо, режимските сили се повлекоа од Тел Рифат.

ПКК е сепаратистичко-терористичка организација која е заведена како терористичка група во Туркије, Европската Унија и Соединетите Американски Држави. За време на повеќедецениската терористичка кампања против Туркије, терористите на ПКК убија најмалку 40.000 луѓе. ЈПГ е сириски огранок на ПКК.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

MARKETING

Претходно

Просветниот инспекторат утре ќе го посети училиштето во Челопек, Јаневска најави утврдување на одговорност

Следно

Финансиска полиција истражува кои предмети се чувале во фиока

Latest from Blog

Гугл ќе плати отштета од 425,7 милиони долари за шпионирање на паметни телефони

Американскиот федерален суд му наложи на Google да плати 425,7 милиони долари за нелегално шпионирање на паметните телефони на луѓето во текот на речиси една деценија. Пресудата од среда во федералниот суд

ФОТО: Љубов, емоции, семејство – 27 години ги фотографирала родителите како и мавтаат кога си заминува, приказна која мора да ја знаете

Американската фотографка Дајана Дикмен, 27 години, ги фотографира нејзините родители како ја испраќаат. Во свет опседнат со брзина, моментално задоволство и минливи трендови, нејзината работа служи како нежен потсетник за убавината на

Стаменкоска Трајкоска за рекордниот говор во Собрание: Секој збор беше посветен на борбата за подобро утре

Пратеничката Бети Стаменкоска Трајкоска во телевизиско гостување искрено зборуваше за рекордниот говор во Собранието од 10 часа. – Да се говори 10 часа во Собрание не е лесно, но секој труд е

Орце Ѓорѓиевски заедно со Боби Стефковски слушаат идеи и барања од Инџиково

Скопје, 4 септември 2025 – Орце Ѓорѓиевски, градоначалник на општина Кисела Вода и кандидат за градоначалник на град Скопје, вечерва оствари средби со жителите на Инџиково во општина Гази Баба. На средбите,
Go toTop