Сирија бара помош од ЕУ за справување со пожарите во Латакија

July 8, 2025
1 min read

ДАМАСК (АА) – Дамаск побара поддршка од Европската Унија за помош во контролирањето на шумските пожари што беснеат во руралниот дел на Латакија во северозападна Сирија, изјави денес сирискиот министер за вонредни состојби и управување со катастрофи, јавува Анадолу.

„Остварен е контакт со ЕУ за да се побара нејзина поддршка во гаснењето на пожарите во руралниот дел на Латакија“, изјави Раед ал-Салех во соопштението објавено од државната новинска агенција САНА.

„Тимовите на цивилната одбрана успеаја да ги евакуираат жените и децата и да го изгаснат пожарот со помош на локалните жители“, додаде тој.

Министерот рече дека турски и јордански тимови учествуваат во напорите за гаснење на пожарите, заедно со авиони од Турција, Јордан, Либан и Сирија.

Тој наведе дека 16 авиони биле вклучени во операциите за гаснење на пожарите во понеделникот, а се очекува нивниот број да достигне 20 денес.

„Највисок приоритет е заштитата на цивилите и досега не се регистрирани жртви и покрај тоа што пожарите се шират на повеќе области“, рече министерот.

Според него, досега се повредени десет припадници на цивилната одбрана, од кои повеќето страдале од вдишување чад.

„Временските услови значително придонесуваат за ширењето на пожарите, заедно со големите количини суво дрво и ризикот од експлозии од остатоци од војната (што ја водеше поранешниот режим против Сиријците во текот на изминатите 14 години)“, рече тој.

Областите во руралниот дел на Латакија често се соочуваат со пожари во текот на летото поради високите температури, густите шуми и силните ветрови, што ги комплицира напорите за контрола на пламените јазици.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Алиу – Срцева: На Клиниката за ТОАРИЛУЦ се реализирани или во фаза на реализација над 23 проекти и иницијативи за една година

Следно

ПРВИ РЕЗУЛТАТИ ОД ИСТРАГАТА: Ова е најверојатната причина за сообраќајката во која загинаа Жота и Силва

Latest from Blog

Битола му оддаде почит на Александар Турунџев со нов споменик кај Ат Пазар

Со свечена церемонија вечерва во Битола беше откриен споменикот на македонскиот војвода Александар Турунџев, поставен кај Ат Пазар – местото каде што загинал пред точно 120 години. Настанот започна со поворка низ

Сопругата на Брус Вилис проговори откако беше критикувана за тоа што живее одвоено од актерот

Одлуката предизвика јавна реакција откако беше прикажана во специјалната емисија Ема и Брус Вилис: Неочекуваното патување, која се емитуваше на „ABC“ на 26 август. Додека некои беа сочувствителни, некои гледачи ја критикуваа

Бујар Османи: Темата за ЕУ интеграции не смее да биде дел од дневно партиските пресметки

2 Османи со апел за обединување околу европската иднина: Ајде да потпишеме меѓупартиски договор и да не се препукаваме за ЕУ. Бујар Османи, кандидат за градоначалник на Чаир и поранешен министер за
Go toTop