Ако сите луѓе се еден против друг, тогаш не може да има добра иднина, а затоа поранешниот претседател се залага за голема поделба во земјата, изјави германскиот канцелар за време на посета на училиште во близина на Берлин
Германскиот канцелар Олаф Шолц изјави дека го претпочита актуелниот американски претседател Џо Бајден отколку неговиот претходник Доналд Трамп за реизбор и дека се надева оти Бајден повторно ќе биде избран на функцијата претседател на САД за уште еден мандат.
Шолц ова го изјави за време на посета во основно училиште во близина на Берлин. Обраќајќи се пред учениците, Шолц го обвини Трамп дека предизвикува поделби и оти неговиот избор би бил лош не само за САД, туку и за Германија.
Одговарајќи на прашање на еден ученик, Шолц рече:
„Мислам дека сегашниот претседател е подобар, па сакам тој да биде реизбран“.
Осврнувајќи се на Доналд Трамп, Шолц рече:
„Ако сите луѓе се еден против друг, тогаш не може да има добра иднина, а затоа поранешниот претседател се залага за голема поделба во земјата“.
Неодамнешните анкети, според Ројтерс, покажуваат дека актуелниот американски претседател Џо Бајден има предност пред потенцијалните републикански противкандидати Доналд Трамп и Рон де Сантис.
Извор: 360stepeni.mk
