Шмит ја наметна одлуката за формирање влада на Федерацијата Босна и Херцеговина

April 27, 2023
1 min read

Претседателот на Претставничкиот дом на ФБиХ ќе свика итна седница, која ќе се одржи најдоцна до 28 април. Единствена точка на дневен ред на оваа седница ќе биде потврда на именуваната Влада, се наведува во одлуката

Високиот претставник во Босна и Херцеговина, Кристијан Шмит, наметна измени во Уставот на ентитетот Федерација на БиХ кои треба да го олеснат формирањето на владата на Федерацијата, како и носењето кривични закони во БиХ кои треба да спречат изборни измами.

Владата на Федерацијата БиХ не беше потврдена по изборите во октомври 2022 година, бидејќи претседателката на овој ентитет Лидија Брадара (Хрватска демократска заедница на БиХ, ХДЗ) од редовите на хрватскиот народ немаше согласност од двајцата потпретседатели.

Назначувањето на новата влада го одобри Игор Стојановиќ од редовите на српскиот народ, инаку член на Социјалдемократската партија на Босна и Херцеговина (СДП).

Рефик Лендо од редовите на бошњачкиот народ, кој доаѓа од Партијата за демократска акција (СДА), која е во опозиција по општите избори минатата година во Босна и Херцеговина, го услови својот потпис со влегувањето на неговата партија на власт.

„Премиерот, потпретседателите и министрите на Владата на Федерацијата предложени од претседателката на Федерацијата на Босна и Херцеговина во предлог-одлуката што ја потпиша на 30 март 2023 година, а која беше договорена од еден од потпретседателите на 3 април 2023 година и изменета, се смета дека се именувани согласно член IV.Б.5 став еден од Уставот на Федерацијата“,

се наведува во одлуката на Шмит.

Во одлуката на Шмит е наведено дека владата на Федерацијата Босна и Херцеговина се избира со тоа што нејзиното именување ќе биде потврдено со мнозинство гласови од Претставничкиот дом на Федерацијата Босна и Херцеговина.

„Претседателот на Претставничкиот дом на ФБиХ ќе свика итна седница, која ќе се одржи најдоцна до 28 април. Единствена точка на дневен ред на оваа седница ќе биде потврда на именуваната Влада“,

се наведува во одлуката.

Високиот претставник во Босна и Херцеговина изјави дека Парламентот на Федерацијата на Босна и Херцеговина „ќе даде се од себе“ да го започне процесот на измена на Уставот на ентитетот во согласност со неговата одлука, со цел да се спречат идни блокади во формирањето на владата на Федерацијата на Босна и Херцеговина.

Одлуката, како што е наведено, ќе стапи во сила веднаш по објавувањето на веб-страницата на Канцеларијата на високиот претставник и во Службен весник на ФБиХ.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

САД со нови санкции против Русија и Иран поради држење на Американци како заложници

Следно

Шмигал: Украина е подготвена да ги започне преговорите за влез во ЕУ до крајот на годината

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop