Се зголемува таксата за отпорност на климатски кризи во туристичките објекти во Грција

September 16, 2024
1 min read

Од половина до пет евра ќе биде поскапа таксата за отпорност на климатски кризи во туристичките објекти во Грција во периодот од април до октомври, додека пак таксата за патниците од крузерите ќе изнесува од едно до 20 евра во зависност од периодот и островот на кој пристигнуваат туристите, јави дописничката на МИА од Атина.

Надлежните грчки министри денеска детално ги анализираа мерките што грчкиот премиер Кирјакос Мицотакис ги соопшти на Меѓународниот саем во Солун пред една седмица, а се однесуваат, меѓу другото, и на туризмот.

Министерот за национална економија и финансии на Грција Костис Хаѕидакис објасни дека таксата за отпорност на климатски кризи во хотелите, туристичките објекти и сл се зголемува за периодот април – октомври од 0,50 до пет евра.

Поконкретно, за хотелите со една и две ѕвезди и за собите за изнајмување ќе биде две евра наспроти евро и половина колку што беше досега, за две евра поскапа ќе биде таксата за хотелите со три ѕвезди (од три на пет евра), за хотелите со четири ѕвезди е десет евра од досегашните седум евра, а најголемо зголемување има за хотелите со пет ѕвезди и вили, односно од вечер ќе се плаќа такса од 15, наспроти досегашните десет евра.

Кај сместувањата од типот на Аирбнб таксата се зголемува од 0,50 евра на две евра во зимските месеци и од 1,50 на осум евра во летото.

Хаѕидакис објасни дека периодот во кој се применува ниската такса (ноември до февруари) се продолжува за еден месец и го опфаќа март и цените остануваат како и досега.

Според министерката за туризам на Грција Олга Кефалојани, приходите од таксата за отпорност на климатски кризи ќе бидат наменети за „превенција и обнова од природните катастрофи, како и за подобрување на инфраструктурата за поддршка на туристичкиот производ на земјата“.

Во однос на туристите од крузерите, министерката соопшти дека посебната такса по патник на пристаништата на Миконос и Санторини ќе биде 20 евра, а на останатите пристаништа во земјата пет евра за периодот од 1 јуни до 30 септември.

Во април, мај и октомври таксата ќе биде намалена за 40 отсто, односно за двата конкретни острови ќе биде 12 евра, а за останатите по три евра, додека од ноември до март ќе се намали за 80 проценти на четири, односно едно евро.

Кефалојани истакна дека процените се дека таксата од крузерите годишно ќе донесе околу 50 милиони евра, а приходот ќе биде распределен на три дела, еден за општините каде што пристигнуваат патниците, друг ќе се вметне во буџетот на Министерството за поморство со цел да се извршат неопходните работи на пристаништата, а останатиот дел ќе биде вклучен во буџетот на Министерството за туризам со цел подобрување на туристичката инфраструктура за поддршка на туристичкиот производ на земјата.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

У17: Македонските фудбалерки го освоија второто место на турнирот во Италија

Следно

Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop