Со високите партиски тела на СДСМ ќе раководат млади и амбициозни луѓе, кои досега не биле во тесното партиско раководство, истакна лидерот на партијата Венко Филипче по завршувањето на 30от конгрес на партијата.
За заменик претседател на СДСМ беше избрана Фани Каранфилова Пановска, која доаѓа од невладиниот сектор. Се избра и новото надзорно и изборно тело.
Вратата на партијата е отворена за сите, таа нема друга алтернатива освен да се врати посилна, а ароганцијата ќе ја закопаме длабоко под земја, дополни Филипче за време на отворениот дел од конгресот. Посочи дека овој конгрес е пресвртница на СДСМ за нови победи и таа е единствена која може да ја победи ВМРО ДПМНЕ.
По конгресот со реакција излегоа од ВМРО ДПМНЕ. Упатија критки до ново избрана потпретседателка Фани Каранфилова Пановска која како што посочија не е никаков нов лик, ниту лице заинтересирано за општо добро.
„Луѓето на Филипче се истите луѓе на Заев кои се второ име за корупција и криминал, воедно и назадување на Македонија на секој план“, стои во партиското соопштение на владеачката партија.
Со свој став за конгресот на СДСМ излезе и премиерот Мицкоски. Пред 30-от Конгрес, социјадемократите го одржаа и отчетниот која беше закажан за јуни годинава, но одложен поради недоволниот број на делегати.
Извор: 24vesti.mk
