САД ќе и испратат на Украина нов пакет воена помош, тој не вклучува тенкови „Абрамс“

January 20, 2023
1 min read

Oваа нова пратка не вклучува тешки тенкови како „Абрамс“, кои САД сè уште не се подготвени да ги испратат во Киев, со оправдување дека нивното одржување би било тешко за Украина и ќе бара голема логистичка поддршка

САД ќе и испратат на Украина нов пакет воена помош од 2,5 милијарди долари, кој вклучува стотици оклопни возила од различни типови, но не и тешки тенкови „Абрамс“.

Во оваа нова транша ќе има 59 оклопни возила „Бредли“, покрај 50 лесни оклопни возила од овој тип, кои беа најавени дека ќе бидат испратени на 6 јануари и 90 оклопни транспортери „Страјкер“, „кои на Украина ќе и дадат две оклопни бригади“, се вели во соопштението на Пентагон.

Покрај тоа, американската армија ќе и испорача на Украина 53 оклопни возила отпорни на мини (MRAP) и 350 транспортери М998, познатите „Хамви“.

Но, оваа нова пратка не вклучува тешки тенкови како „Абрамс“, кои САД сè уште не се подготвени да ги испратат во Киев, со оправдување дека нивното одржување би било тешко за Украина и ќе бара голема логистичка поддршка.

„Ние не сакаме на нашите украински партнери да им натовариме системи кои не умеат да ги користат; системи кои не умеат да ги поправаат, системи кои не можат да ги надградуваат”. На украинската војска сакаме да и ставиме на располагање опрема која што ефективно ќе може да ја употребат на военото поле“,

изјави портпаролот на американското Министерство за надворешни работи, Нед Прајс, за американска телевизија.

Вашингтон на украинските сили ќе им испрати и резервни проектили за веќе доставените противвоздушни системи НАСАМС и ХИМАРС, 8 противвоздушни системи со краток дострел „Авенгер“ и илјадници парчиња разновидна муниција.

По овој нов пакет, вкупната вредност на американската воена помош за Украина од почетокот на руската инвазија на 24 февруари се зголемува на 26,7 милијарди долари.

Осврнувајќи се на медиумските извештаи дека Берлин нема да ги испрати своите тешки тенкови додека САД не ги испратат тенковите на „Абрамс“, украинскиот претседател Володимир Зеленски вчера го критикуваше одложувањето на Берлин.

Извор: 360stepeni.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Во 2002 г. биле „натпопишани“ 38 илјади лица, открива директорот на Државниот завод за статистика

Следно

Власта најавува интензивирање на дебатите за уставни измени, опозицијата бара предвремени избори

Latest from Blog

Собор на семејството на св. Григориј Палама

Според календарот на МПЦ (Јулијанскиот календар) денеска е 17 ноември. Собор на семејството на св. Григориј Палама Во првата недела по празникот на свети Григориј Палама (14/27 ноември) е прославено и семејството

Фото: Убава актерка во секси бикини

Сидни Свини сè уште се чини дека е во центар на  вниманието на светската јавност, а странските медиумски фотографи го следат секој нејзин потег. Сега жешките фотографии на актерката се појавија на

Статуа стара 1.800 години откриена во Турција

Ископувањето е спроведено на стадион стар 2.000 години, за кој се верува дека го изградиле македонски војници кои се населиле во областа за време на анадолската кампања на Александар Македонски. Според археолозите,
Go toTop