Дискутирајќи ги неговите способности, во емисијата 60 Minutes, домаќинот Андерсон Купер го прашува Рубин дали знае да свири инструмент. „Едвај“, одговара тој. Следно, прашува дали знае да ракува со аудио миксета, на што овој повторно вели не, и додава:
„Немам никакви технички вештини и не знам ништо за музика.“
На инсистирање на водителот дека сепак нешто знае, Рубин вели дека „знае што му се допаѓа – а што не“, и дека музичарите го плаќаат заради самодовербата што тој ја има во однос на неговиот личен вкус, и способноста да го артикулира тоа што го чувствува.
Пред интервјуто, Рубин бара од Купер заеднички да медитираат, а потоа Купер го прашува за улогата на медитацијата во неговиот креативен процес.
„Ги отстранува пречките. Пречките знаат да направат проблем во директната врска со креативната сила“, одговара Рубин.
Ако не се штеди себе си, уште помалку ја штери публиката за која вели дека е ирелевантна, дека не знае што сака и дека таа му е на последно место.
„Таа го знае само она што веќе е дојдено, но не и она што ќе дојде“.
На репликата дека музичкиот бизнис се врти околу тоа да се трефне што ќе ѝ се допадне на публиката, Рубин вели дека за него тоа не важи.
Тој вели дека задачата на продуцентот не е само да ги сними музичарите, туку и да ги насочи во вистински правец. Тоа значи внимателно да слуша, да споделува мислења за материјалот, и да создаде вистински услови за музичарот креативно да процвета.
Рубин открива повеќе за својата креативна филозофија во новата книга, The Creative Act: A Way of Being
„Без разлика на тоа какви инструменти користите за создавање, вистинскиот инструмент сте токму вие“, вели тој.
ИЗВОР: off.net.mk
