БЕЛГРАД (АА) – Првата дама на Република Туркије, Емине Ердоган, денеска ја посети градинката на турската фондација „Маариф“ во Белград, јавува Анадолу.
Придружувајќи го турскиот претседател Реџеп Таип Ердоган во официјалната посета на Србија, Емине Ердоган заедно со првата дама на Србија, Тамара Вучиќ, ја посети градинката „Маариф Бебе Палас“ во која се згрижуваат 220 деца на возраст од две до седум години.
Емине Ердоган за нејзината посета на градинка на социјалната мрежа Х напиша: „Сакам да им се заблагодарам на сите кои придонесуваат во верувањето дека светлината на децата е највредната алка која дополнително ќе го зајакне пријателството меѓу нашите земји.“
Турската фондација „Маариф“ која е посветена на образованието, ја започна својата работа во Србија во 2019 година.
Воспитно-образовната дејност во Србија ја спроведува во пет училишта во Белград, како и во Нови Пазар и Сеница, со вкупно 518 ученици, односно 449 ученици во предучилишните и 69 во основните училишта.
Извор: Anadolu Agency (AA)