Полициски службеници од Одделението за криминалистички работи при ЕЦР Центар и Бит-Пазар вчера во објект на ул.„Даме Груев“ во Скопје ја лишиле од слобода Ж.С.(49).
Како што информира МВР, по преземени мерки и активности било утврдено дека таа на 17.02.2023 во продажен објект на бул.„Никола Карев“ одзела личен предмет од С.Л.(32) од Скопје.
-Ж.С. била задржана во полициска станица и во службен разговор го признала делото. Одземеното било пронајдено и вратено на сопственикот, соопшти МВР.
По целосно документирање на случајот, во координација со Јавен обвинител, против неа ќе биде поднесена соодветна пријава.
ИЗВОР: skopjeinfo.mk
