АНКАРА (АА) – Турскиот претседател, Реџеп Таип Ердоган, и претседателот на Обединетите Арапски Емирати (ОАЕ), Мухамед бин Зајед ал Нахјан, телефонски разговараа за билатералните односи, соопшти денес Дирекцијата за комуникации при претседателството на Туркије, јавува Анадолу.
„Двајцата лидери во текот на разговорите се осврнаа и на регионалните случувања“, се наведува во соопштението на Дирекцијата и се додава дека Ердоган ја искажал својата благодарност за солидарноста и поддршка што ОАЕ ја покажаа по земјотресот во Туркије.
Земјотреси со магнитуда од 7,7 и 7,6 степени според Рихтер погодија 11 турски области на 6 февруари, Адана, Адијаман, Дијарбакир, Елазиг, Хатај, Газиантеп, Кахраманмараш, Килис, Малатија, Османије и Шанлиурфа.
Повеќе од 13,5 милиони луѓе во Туркије беа погодени од земјотресите, како и многу други во северна Сирија.
„Двајцата лидери разменија и честитки за Рамазан“, се додава во соопштението.
Извор: www.aa.com.tr
