Екипите на ЈП „Улици и патишта“- Скопје одговорни за одржување на вертикалната сигнализација на градските сообраќајници поставија нови сообраќајни патоказни табли на булеварот „Метрополит Теодосиј Гологанов“.
Патоказните табли се поставени на семафорски портални столбови на три локации и тоа пред кружниот тек кај Католичката црква, кај бензиската пумпа Макпетрол и кај бугарската амбасада.
– Како дел од тековните активности на претпријатието одржувањето и обновата на сообраќајната сигнализација продолжува и во наредниот период со цел за зголемена безбедност и нормално одвивање на сите учесници во сообраќајот, велат од претпријатието.
ИЗВОР: skopjeinfo.mk
