Полицаец малтретирал и навредувал малолетници во Струга, раскажуваат очевидци на настанот за Инфомакс.
Лицето М.Т, полицаец во сообраќајна полиција во Струга, на 5 јули половина час по полноќ во населбата Езерски Лозја, запрел две малолетни лица, едното на возраст од 15, а другото на возраст од 16 години. На истите без никаков повод и законско оправдување, униформираното полициско лице започнало физички да го напаѓа малолетниот Ј.В, удирајќи му шамари, велат сведоци на настанот.
Во исто време, полицискиот службеник упатувал вулгарни пцовки, навреди и го омаловажуваше со зборовите: „дека е
последно го*но на овој свет“.
Едниот малолетник реагирал на навредите на полицискиот службеник кон неговиот другар, по што добил сличен третман, а полицаецот му се обратил со зборовите „Затни ја мучката бе љангач ниеден! Ти си следен и ти ќе го јадеш!“.
Од МВР за Инфомакс велат дека до овој момент нема никаков поднесок во врска со овој случај во МВР и внатрешна контрола.
– „Ве известуваме дека таква преставка не е доставена до Одделот за внатрешна контрола, криминалистички истраги и професионални стандарди при МВР.“ – одговорија од МВР, иако семејствата на малолетниците велат дека претставка е поднесена.
Според информациите кои ги добивме, полицискиот службеник и претходно имал престапи, поради што бил санкциониран, преместен во друга полициска станица, со различни надлежности, по што неодамна повторно е вратен во ПС Струга во сообраќајна полиција.
Извор: zurnal.mk
