Основното јавно обвинителство скопје поднесе обвиненија против четири лица поради уништување и палење на државни знамиња. Како што соопшти Јавното обвинителство, за четворицата на кои во текот на претходната постапка им беше определен притвор, јавните обвинители бараат основниот Кривичен суд Скопје да им ја продолжи притворската мерка.
„Тројца од обвинетите на 28 ноември, по повод прославите на Денот на албанското знаме, со палење, уништување и кинење на државното знаме на Република Македонија предизвикале чувства на омраза, раздор и нетрпеливост врз основа на етничка припадност и го изложиле на подбив националниот симбол. Четвртиот обвинет, неколку дена подоцна, го запалил знамето на Република Албанија“, се наведува во соопштението.
Извор: 24vesti.mk
