Американската актерка и еден од најголемите холивудски секс симболи Ракел Велч почина на 82 години, потврди нејзиното семејство за сајтот ТМЗ. Нејзиниот менаџер кажа дека починала по кратко боледување.
Велч ја почна актерската кариера во првата половина на 1960-ите, а се прослави со филмовите „Фантастично патување“ и „Милион години пред нашата ера“ од 1966. Во вториот филм глумеше во оскудна облека, што го зацементира нејзиниот статус на секс симбол.
Во 1975 година освои Златен глобус за најдобра актерка за „Тројцата мускетари“, а за оваа награда повторно беше номинирана во 1988.
Велч неретко се истакнува како модел за модерните акциони хероини во холивудските филмови, а неколку списанија ја прогласија за една од најсекси филмски ѕвезди на сите времиња. Во кариерата што се протегна низ шест децении играше во повеќе од 70 филмови и ТВ-серии.
ИЗВОР: sdk.mk
