Шефот на дипломатијата и претседавач со ОБСЕ, Бујар Османи, презентираше план од 9 точки кој треба да помогне за деескалација на состојбата на северот на Косово и за враќање на мирот.
Планот што министерот Бијар Османи го објави на социјалните мрежи треба да придонесе за постигнување траен мир и стабилност, како и за враќање на косовските Срби во институциите и во демократските процеси.
Планот во 9 точки:
- Косово и Србија да ја реафирмираат посветеноста кон основниот договор и Охридскиот протокол;
- Косово да ги повлече специјалните полициски сили, а Србија да ја намали борбената готовност на вооружените сили;
- На полицијата на Косово, заедно со силите на КФОР и ЕУЛЕКС, да им се овозможи во целост да се грижат за редот и безбедноста на земјата;
- Протестите да се откажат и да се стават во функција општинските услуги за нормално функционирање на општествениот живот и да им се овозможи пристап на вработените во општините;
- Градоначалниците да поднесат оставки до летото годинава со што ќе се отвори патот за предвремени општински избори;
- Предвремени општински избори да се одржат оваа година;
- ОБСЕ ќе го поддржи изборниот процес преку техничка поддршка на косовските власти кои ќе ги организираат изборите, со тоа зајакнувајќи довербата меѓу заедниците;
- ОБСЕ ќе ги ангажира младите во програмите и процесите за помирување;
- ОБСЕ ќе ги стави на располагање своите капацитети за поддршка на имплементацијата со добра волја од двете страни на договорените одредби и продолжување на дијалогот.
Во изминатите денови меѓународната заедница – САД и ЕУ, прати силни пораки на осуда на насилството и побара смирување на ситуацијата на северот на Косово.
Извор: 360stepeni.mk
