Утрово отпад на паркинзи и зелени површини во општина Аеродром, алармираа од општината.
-Утринава по којзнае кој пат бевме сведоци на лоши слики од населбата Ново Лисиче, каде во околина на контејнерите беше забележана голема количина кабаст и други видови отпад, кои наместо да бидат одложени според утврдената процедура, се оставаат на паркинзи и на зелени површини. Го осудуваме ваквото однесување и повторно апелираме до граѓаните да водат грижа за јавните површини, за својата околина и местата на кои секојдневно се движат, велат од локалната самоуправа.
Порачаа дека службите на Општина Аеродром секојдневно се на терен и се грижат за одржувањето на чистотата на највисоко ниво, но неопходно е да постои свест и грижа кај секој од нас.
– За фрлање на кабастиот отпад постојат утврдени процедури од страна на јавното претпријатие Комунална Хигиена – Скопје. Повеќе информации за достапни на нивниот веб сајт. Напоменуваме дека за несоодветното одложување кабаст отпад предвидена е соодветна санкција која ја изрекуваат општинските инспекциски служби, велат од општина Аеродром.
ИЗВОР: skopjeinfo.mk
