Битола – На 4 април (сабота), во Центарот за култура – Битола ќе се одржи велигденска авантура и донаторски настан во организација на Cosmic Development, со цел поддршка на битолските градинки.
Настанот ќе понуди ден исполнет со смеа, музика и многу игра, а за забавата ќе се погрижат омилените ликови Биби и Боби, кои ќе ја направат вселенската велигденска забава незаборавна за најмладите.
Програмата започнува во 11:00 часот со велигденски базар на изработки од децата од градинките, по што во 12:00 часот следува настап на дечињата од градинките, а потоа ќе се одржи забавата со Биби и Боби.
Картите за настанот се достапни на билетарата во Центарот за култура – Битола и онлајн, по цена од 200 денари.
„Заедно создаваме моменти што се паметат, но и значат нешто повеќе. Донаторски настан за нови креветчиња во битолските градинки“, велат организаторите.
