Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите, велат од МВР
Закани за поставени бомби утринава стигнале на адресите на 13 училишта, информираат од Министерството за внатрешни работи (МВР).
„Денеска до 9.30 часот е пријавено дека на електронските адреси на 12 училишта во Скопје и едно во Прилеп е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“,
соопштија од МВР.
ОБНОВЕНО:
Денеска до 10 часот е пријавено дека на електронските адреси на 32 училишта во Скопје и едно во Прилеп е упатена закана за поставена експлозивна направа информираат од МВР.
„Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“,
се наведува во соопштението на МВР.
Вчера закани за поставени бомби на повеќе локации во Скопје, меѓу кои и во претседателската вила на Водно, првпат беше испратена преку медиумите, а пораката пристигна и на мејлот на „360 степени“.
По проверките на полициските екипи, беше утврдено дека сите пријави биле лажни.
ИЗВОР: 360stepeni.mk
